!! उधोगी, व्यवसायीहरुको हकहितको संरक्षण, संम्वद्र्धन यस क्षेत्रको समग्र सामाजिक आर्थिक विकासको माध्यम बाट राष्ट्रिय अर्थतन्त्रमा टेवा पुर्‍याउनु नै हाम्रो उदेस्य हो !!

लेउवा संघको ब्यवसायीलाई कर शिक्षा प्रशिक्षण

LCCI News: Posted at 09/09/2020
...

लेखनाथ,२४ भाद्र ।

लेखनाथ उद्योग बाणिज्य संघको आयोजना एवंम आन्तरिक राजश्व कार्यालय पोखराको आतिथ्यतामा बुधवर ब्यवासायिहरुका लागि कर शिक्षा प्रशिक्षण कार्यक्रम सम्पन्न भएको छ । विश्व ब्यापी रुपमा फौलिएको कोरना भाईरसका कारण ब्यवसायको क्षेत्रमा परेको असरलाई मध्यनजर राख्दै नेपाल सरकारले ल्याएको कर छुटका सम्वन्धमा जानकारी दिने उद्देश्यले राखिएको कार्यक्रममा करको दायरा र विभिन्न क्षेत्रमा दिएको कर छुटका सम्वन्धमा जानकारी गराउनु भएको थियो ।

कार्यक्रममा आन्तरिक राजश्व कार्यालय पोखराका प्रमुख ऋषिराम पोख्रलले ब्यवस्थित तरिकाले लेखा प्रणाली राख्न नजान्दा अन्जानमा भोग्नु परेका समस्याका बारेमा जानकारी गराउदै अहिलेको विषम परिस्थितिलाई ध्यानमा राखी नेपाल सरकारले ल्याएको कर छुटको उपयोग गरि असल ब्यवसायी बन्न पर्ने सुझाव राख्नु भएको थियो ।

सोही अवसरमा आन्तरिक राजश्व कार्यालय पोखराका कर अधिकृत कर्ण शिंह लामाले ब्यवसायको क्षेत्रमा कोरना भाइरसका कारण परेको असरलाई मध्यनजर राखेर नेपाल सरकारबाट विभिन्न शिर्षकमा २० देखि ७५ प्रतिशतसम्मको कर छुट ब्यवस्था गरेको जानकारी गराउनु भएको थियो ।

तालिम ब्यवस्थापन उप समितिका संयोजक विक्रम कर्माचार्यको अध्यक्षतामा भएको सो कार्यक्रममा राजश्व परामर्श उप समितिका संयाजक रमानाथ पौडेलले कार्यक्रमको उद्देश्य र उपयोगीताका बारेमा जानकारी गराएको थियो भने संघका पुर्व अध्यक्ष सुमन भट्टराईले उद्योगी व्यवसायीहरुले कर सहयोगीकसंग मात्र निर्भर नभर्ई स्वमं व्यवसायीले लेखामा ध्यान दिनुपर्ने जोड दिनुभएको थियो । पूर्व अध्यक्ष भट्टराईले थोक व्यवसायीले पानमा दर्ता भएका फर्महरुलाई मात्र सामान विक्रि गरेमा स्वतह साना व्यवसायी दर्ता प्रकृयामा जाने कुरा पनि औल्याउनुभएको उक्त कार्यक्रमको संचालन महासचिव गोपिचन्द्र बास्तोलाले गर्नु भएको थियो ।

Lekhnath Chamber of Commerce and Industry
Contact Us:
Lekhnath Chamber of Commerce and Industry

Pokhara-29, Chamber Road, Bhandardhik, Kaski

Phone: 061-560386, 061-560631

Fax: 00977-61-560701

Email: lekhccimail@gmail.com

Download: "Lekhnath CCI" App:
For Android
OR
For iOS
© Copyright: Lekhnath Chamber of Commerce and Industry Contact us on facebook: